कारण फक्त आपणच मिळून सफल करू शकतो

Mukhyamantri Mazi Ladki Bahin Yojana | मुख्यमंत्री माझी
लाडकी बहीण
योजना | MMLBY

अधिक वाचा

काय आहे योजना

२१ ते ६५ वर्षे वयोगटातील महिलांना लाभ.
योजनेच्या लाभासाठी अर्ज करण्याची मुदत ३१ ऑगस्ट, २०२४.
महिलांना १,५०० रुपये प्रति महिना; म्हणजेच दरवर्षी १८,००० रुपये मिळणार.
वार्षिक उत्पन्न २.५० लाखापेक्षा कमी असणे आवश्यक,
पिवळी अथवा केशरी शिधापत्रिका असल्यास उत्पन्न प्रमाणपत्राची आवश्यकता नाही,
शुभ्र शिधापत्रिका असल्यास अथवा कोणतीही शिधापत्रिका नसल्यास वार्षिक उत्पन्न २.५० लाखापर्यंत असल्याचे प्रमाणपत्र आवश्यक.
विवाहित, विधवा, घटस्फोटीत, परित्यक्ता, निराधार आणि कुटुंबातील एका अविवाहित महिलेला लाभ.
योजनेचा लाभ मिळण्यासाठी अधिवास प्रमाणपत्र/ १५ वर्षापूर्वीचे रेशन कार्ड / १५ वर्षापूर्वीचे मतदार ओळखपत्र / शाळा सोडल्याचे प्रमाणपत्र/ जन्मदाखला यापैकी एक दाखला ग्राह्य धरण्यात येणार.
इतर राज्यात जन्म झालेल्या महिलांनी महाराष्ट्रातील
पुरुषाबरोबर विवाह केला असल्यास पतीचे अधिवास प्रमाणपत्र / १५ वर्षापूर्वीचे रेशन कार्ड/ १५ वर्षापूर्वीचे मतदार ओळखपत्र / शाळा सोडल्याचे
प्रमाणपत्र / जन्मदाखला यापैकी एक दाखला ग्राह्य धरण्यात येणार.

योजनेशी निगडित ताज्या घडामोडी

— वयोमर्यादा

माझी लाडकी बहिण योजनेची घोषणा केल्यानंतर सुरवातीला यात किमान २१ वर्षे ते ६० ही वयोमर्यादा निर्धारित केली होती, पण नंतर त्यात सुधारणा करून वय २१ ते ६५ पर्यंतच्या महिला नावनोंदणी करू शकतात.

— उत्पन्न प्रमाणपत्राची आवश्यक्ता

शुभ्र शिधापत्रिका असल्यास अथवा कोणतीही शिधापत्रिका नसल्यास वार्षिक उत्पन्न रु. २.५० लाखापर्यंत असल्याचे प्रमाणपत्र आवश्यक..

— उत्पन्न प्रमाणपत्र नसल्यास काय?

योजनेसाठी पिवळी अथवा केशरी शिधापत्रिका असल्यास उत्पन्न प्रमाणपत्राची आवश्यकता नाही.

— लाभ कोण घेऊ शकते

विवाहित ,विधवा, घटस्फोटित, परित्यक्ता आणि कुटुंबातील एका अविवाहित महिलेला ह्या योजनेचा लाभ घेता येऊ शकतो. एका कुटुंबातील जास्तीत जास्त २ महिला लाभ घेऊ शकतात.

— योजनेचा अर्ज कुठे कुठे भरता येईल

योजनेचा अर्ज ऑनलाईन तसेच ऑफलाईन दोन्ही पद्धतीने भरता येईल. ऑनलाईन अर्ज भरण्यासाठी नारीशक्ती दूत ॲप किंवा पोर्टल ची सोय केली आहे. ऑनलाईन अर्ज भरता येत नसल्यास जवळच्या सेतू सुविधा केंद्रामार्फत भरले जाऊ शकतात.

लाईव्ह फोटोची गरज आता नाही

सुरवातीला मुख्यमंत्री माझी लाडकी बहिण योजना २०२४ चे अर्ज भरताना लाईव्ह फोटोची गरज होती पण आता ती अट शिथिल करण्यात आली आहे.
ऑफलाईन अर्ज भरला असल्यास फोटोवरून फोटो काढता येईल.

अधिक वाचा

हेल्पलाईन क्रमांक
181

या योजनेबाबतच्या अधिक माहितीसाठी महिला हेल्पलाइन टोल फ्री संपर्क क्रमांक: १८१

Mukhyamantri Mazi Ladki Bahin Yojana | मुख्यमंत्री माझीलाडकी बहीण योजना | MMLBY